الحياة لا تليق الا بالشجعان

رهام ناظم-الديوانية

بسبب اللقاح الي اخذته والمناعة الضعيفة الي عندي صار بيه شلل اطفال وكان قدري الجميع اظل مقعده على كرسي، من جنت طفلة اجمع الاطفال ونلعب لعبة واحنه كاعدين احاول اسولفلهم قصص او نلعب انسان حيوان جماد مافد يوم حسيت ناقصني شي من طفولتي . جنت اعشق الدراسه والدوام على الرغم مجنت اداوم اهواي خاصا اذا جان الجو مطر .. تفوقت بلدراسه بالسادس طلعت المعدل الي اريده دخلت للكليه الي جنت اتمناها واني طفله 
انقبلت بجامعة الكوفه كلية صيدلة وسكنت قسم داخلي حلوة انو الواحد يعتمد على نفسه ويتجاوز كل العوائق راح يحس بنفسه بطل خارق .
اعتمدت على نفسي بكولشي اطبخ واغسل ملابس وكولشي وحدي جنت اروح من القسم الداخلي الى كليتي وحدي الناس تباوعلي ومستغربة هذا الشي زاد من قوتي خلصت ٥ سنوات تخرجت الحمدلله
احاول اكون ايجابيه ..
صحيح تعرضت بحياتي لعوائق لا تعد ولا تحصى بس متستاهل اذكر شي منها لان كل عائق مهما كبر صغير امام ارادتي واصراري .اتمنى اكون دافع امل لكل شخص وخاصه الشخص المقعد.
م/خان جغان 

اظهر المزيد